«ԵԱՏՄ-Վիետնամ ազատ առևտրի համաձայնագրի առաջին եռամյակի արդյունքները և իրագործման հեռանկարները» խորագրով կլոր սեղան-քննարկում:

18 դեկտեմբերի, 2019

Դեկտեմբերի 18-ին Հանոյում՝ Ղազախստանի դեսպանությունում տեղի ունեցավ Վիետնամի Սոցիալիստական Հանրապետությունում հավատարմագրված ԵԱՏՄ դեսպանների և շահագրգիռ վիետնամական գերատեսչությունների ներկայացուցիչների մասնակցությամբ «ԵԱՏՄ-Վիետնամ ազատ առևտրի համաձայնագրի առաջին եռամյակի արդյունքները և իրագործման հեռանկարները» խորագրով կլոր սեղան-քննարկումը։ Մասնակցում էին նաև վիետնամականան լրատվամիջոցների և դիվանագիտական կորպուսի ներկայացուցիչները։

Կլոր սեղանի ընթացքում ելույթներով հանդես եկան Ռուսաստանի Դաշնության, Հայաստանի, Ղազախստանի, Բելառուսի դեսպանները, ՎՍՀ նախկին փոխվարչապետ Վու Հոանը, ՌԴ առևտրական ներկայացուցիչը, ՎՍՀ արդյունաբերության և առևտրի նախարարության, ՎՍՀ առևտրա-արդյունաբերական պալատի և ռուս-վիետնամական բանկի ներկայացուցիչները:

Ելույթներից հետո ՎՍՀ-ում ՀՀ դեսպան Վահրամ Կաժոյանն իր գործընկերների, առևտրական ներկայացուցիչների և վիետնամցի պաշտոնյաների հետ պատասխանեց լրագրողների հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր